Policia e Kosovës ka shqiptuar gjobë prej 500 eurosh ndaj një 40 vjeçari në Ferizaj, pasi po drejtonte automjetin me drita rrotative

Ndaj tij policia ka shqiptuar edhe masa mbrojtëse heqje e patentë-shoferit për 3 muaj, shkruan Arbresh.info

Njoftimi plotë:

Më datë 27.01.2025, rreth orës 18:00, policët e Njësisë së Komunikacionit Rrugor në Ferizaj kanë tentuar të ndalojnë një automjet tip Audi Xhip me targa vendore, i cili po lëvizte në rrugët e fshatit Talinovc i Muhaxherëve në drejtim të rrugës magjistrale Ferizaj – Prishtinë.

Por pas verifikimit të pamjeve nga kamerat e sigurisë, policia ka arritur ta identifikojë dhe ta ftojë në stacionin policor drejtuesin e automjetit, N.RR. (M/K), 40 vjeç. Pas intervistimit, ndaj tij është shqiptuar një gjobë kundërvajtëse prej 500 eurosh si dhe masa mbrojtëse heqje e patentë-shoferit për 3 muaj.

Policia Rajonale e Ferizajt fton qytetarët të bashkëpunojnë dhe të raportojnë çdo shkelje në komunikacion, duke njoftuar stacionin më të afërt policor ose përmes aplikacionit digjital “Lajmëro Policinë”, si dhe në numrat kujdestarë:
192, 0290/326-250, 0290/322-406.